Amerikalı evli cütlüyü məşhur kurortda isti vannada elektrik cərəyanı vurub.
Publika.az xəbər verir ki, bu barədə CBC məlumat yayıb.
Hadisə Meksikanın şimal-qərbindəki Sonora kurortunda baş verib. Belə ki, 43 yaşlı kişi 35 yaşlı arvadı ilə cakuzidə olarkən onları gözlənilmədən elektrik cərəyanı vurub.
Hadisə şahidləri zərərçəkmişlərə ilkin tibbi yardım göstərməyə çalışıblar, qadın sudan çıxarılıb və sinəsinə sıxılma əməliyyatı aparılıb, o, ağır vəziyyətdə xəstəxanaya yerləşdirilib. Amerikalı qadının ərini xilas etmək mümkün olmayıb. Hadisənin baş vermə səbəbləri rayon polisi və prokurorluq tərəfindən araşdırılır.
Hüseyn İbadlı
