Vaşinqton ABŞ-ın İordaniyadakı bazasına hücuma cavab vermək üçün müxtəlif variantları, o cümlədən İrana qarşı gizli əməliyyat keçirmək imkanlarını nəzərdən keçirir.
Publika.az xəbər verir ki, bu barədə “Bloomberg” məlumat yayıb.
Nəşrin fikrincə, Amerika bazasına hücum ABŞ hakimiyyətinin daha “qətiyyətli cavabı”na səbəb ola bilər. Mümkün tədbirlər arasında agentlik ABŞ qüvvələrinin İrana zərbə endirə biləcəyi gizli əməliyyatın adını çəkib.
Nəşrin ekspertlərinin fikrincə, Vaşinqton bu kampaniyada iştirakını elan etməyəcək. Onlar etiraf ediblər ki, bu, Vaşinqton və Tehran arasında birbaşa qarşıdurmaya səbəb ola bilər .
Bundan əvvəl məlum olmuşdu ki, İordaniyadakı ABŞ hərbi bazasına pilotsuz təyyarənin hücumu zamanı azı 34 amerikalı hərbçi kəllə-beyin travması almış ola bilər.
Tural
