ABŞ-ın Nyu Cersi ştatında Türkiyə vətəndaşına ilk dəfə yaşadığı şəhərin açarı verilib.

Publika.az xəbər verir ki, Türkiyə əhalisinin ən sıx olduğu Nyu Cersi ştatının Paterson şəhərində yaşayan iş adamı Hüseyn Bayrama şəhərin açarını bələdiyyə sədri Andre Sayeq təqdim edib.

Paterson Bələdiyyəsində keçirilən rəsmi mərasimdə Sayeq yaşadığı şəhərə verdiyi töhfələrə görə Bayrama təşəkkür edib.

"Biz görkəmli icma lideri və "Toros" restoranlarının sahibi Hüseyn Bayramı şəhərin açarı ilə təltif edirik. Bu mötəbər mükafat Bayramın sahibkarlıq səyləri və xeyriyyəçiliyə sarsılmaz bağlılığı ilə cəmiyyətə verdiyi qeyri-adi töhfələri qiymətləndirir", - bələdiyyənin mətbuat xidmətindən bildirilib.

Açıqlamada, türk sahibkarın xüsusilə Covid-19 epidemiyası zamanı ehtiyacı olan 10 mindən çox insana, həmçinin Nyu-Yorkdakı bəzi xəstəxana işçilərinə və təcili yardım qruplarına ərzaq yardımı etdiyi bildirilib.

Hüseyn Bayram Nyu Cersidə həm ştatda, həm də Paterson şəhərində bu simvolik mükafatı alan ilk türk vətəndaşıdır.

Aysel Şahmar