Argentinanın keçmiş birinci xanımı Fabiola Yanez əri Alberto Fernandesi zorakılıqda ittiham edib.
QÜTB.AZ xəbər verir ki, bədəni qançırlarla örtülmüş Yanez davamlı olaraq təhdid edildiyini və zorakılığa məruz qaldığını iddia edib.
Haqqında istintaq başladılan Fernandesin fəaliyyəti dayandırılıb və xaricə çıxışı qadağan edilib.
Yayımlanan fotolarda Yanezin bədənində qançırlar görünür. Yanezin Fernandesə yazdığı mesaj da mətbuata sızıb. O, həyat yoldaşına "üç gündür məni vurursan", - deyə yazıb.
Bu mesajlar iddia edilən sui-istifadənin davamlılığını və şiddətini ortaya qoyur. Fernandes isə ona qarşı irəli sürülən bütün ittihamları qətiyyətlə rədd edib və məhkəmədə həqiqəti sübut edəcəyini bildirib.
Aysel Şahmar
