ABŞ-da konqresmenlər ölkənin müdafiə naziri Lloyd Ostinin gizli xəstəxanaya yerləşdirilməsindən sonra izahat tələb ediblər.

Publika.az xəbər verir ki, bu barədə "Bloomberg" yazır.

Nəşrin məlumatına görə, ABŞ Senatında və Nümayəndələr Palatasındakı hər iki partiyanın nümayəndələri Ostinin xəstəxanaya yerləşdirilməsi ilə bağlı mövcud məlumatdan narazıdırlar. Nümayəndələr Palatasının Silahlı Qüvvələr Komitəsinin demokrat üzvü Set Moulton deyib: “Bunun müdafiə nazirinin başına gəlməsi və onun öz müavininin, hətta prezidentin də bilməməsi heyrətləndiricidir”.

Respublikaçı senator Syuzan Kollinz Pentaqonun rəhbərinin bir neçə gündür yoxa çıxmasını izaholunmaz adlandırıb. O qeyd edib ki, Yaxın Şərqdəki ABŞ ordusu müntəzəm olaraq hücuma məruz qalır.

Bundan əvvəl ABŞ-ın BMT-dəki keçmiş səfiri Nikki Heyli prezident Co Baydeni bir neçə gündür Ostinin xəstəxanaya yerləşdirilməsindən xəbəri olmadığı üçün istefaya getməyə çağırıb. Onun fikrincə, bu, Baydenin "müdafiə naziri ilə gündəlik əlaqə saxlamadığını" göstərir.

Adəm