Bu gün Azərbaycanda prezident seçkiləri keçirilir.
Publika.az xəbər verir ki, səhər saatlarından Xətai rayonundakı məntəqələrdə seçici aktivliyi müşahidə edilir.
35 saylı Xətai 3-cü seçki dairəsinin 6 saylı məntəqə seçki komissiyasının sədri Vəfa Qafurzadə saytımıza bildirib ki, məntəqədə 1143 seçici var:
"Səhər saat 8-dən etibarən məntəqəmiz açılıb. Məntəqə bütün avadanlıqlarla təchiz olunub. Ümumi qaydada seçiciləri qəbul edirik. Yeni nəsil şəxsiyyət vəsiqələrini, ünvan üzrə qeydiyyatlarını yoxlayırıq. Uyğun olduqda seçki bülleteni təqdim edirik.
Qeyd edim ki, seçicilər əvvəlki seçkilərə nisbətən indi daha fəaldırlar”.
Roza Şəfiyeva
