Avro-2024-də qrup mərhələsində 2-ci turun oyunları davam edir.
Publika.az xəbər verir ki, bu gün daha 3 matç keçiriləcək.
Əvvəlcə C qrupunun görüşləri başa tutacaq. Sloveniya Serbiya ilə qarşılaşacaq. İngiltərə millisi isə Danimarkanı sınağa çəkəcək.
Bu qrup çərçivəsində 1-ci turda baş tutan oyunlarda Sloveniya Danimarka ilə heç-heçə edib (1:1), İngiltərə isə Serbiyaya qalib gəlib (1:0).
Günün maraqla gözlənilən matçı isə B qrupunda keçiriləcək. İspaniya millisi son Avropa çempionu İtaliya ilə üz-üzə gələcək.
Hər iki komanda ilk turda qalib gəlib. İspaniya ilk turda Xorvatiyanı (3:0), İtaliya isə Albaniyanı (2:1) məğlub edib.
Avro-2024: qrup mərhələsi, 2-ci tur
20 iyun
C qrupu
17:00 Sloveniya - Serbiya
20:00 Danimarka - İngiltərə
B qrupu
23:00 İspaniya - İtaliya
Heybət
