İranın cənub-şərqindəki Kirman əyalətində beş əsgər yoldaşını öldürən hərbçi saxlanılıb.
Publika.az xəbər verir ki, bu barədə IRNA agentliyi məlumat yayıb.
Agentlik cənub-şərq hərbi qərargahının komandiri Əmir Qolamalyanın sözlərini sitat gətirib: "Bu adam Zerend şəhəri yaxınlığında saxlanılıb".
Bundan əvvəl hərbçinin bazar günü, yanvarın 21-də beş həmkarını öldürdüyü bildirilmişdi.
“Günorta saat 16:35-də qarovulda olan əsgərlərdən biri kazarmaya daxil olaraq həmkarlarına atəş açıb. Beş hərbçi həlak olub”, deyə Qolamaliyan bildirib:
Onun sözlərinə görə, atəş açan şəxsin motivləri hələlik məlum deyil. Faktla bağlı araşdırma aparılır.
Tural
