Nobel Sülh Mükafatı laureatı Məhəmməd Yunus Banqladeşin müvəqqəti hökumətinə rəhbərlik edəcək.

QÜTB.AZ xəbər verir ki, bu barədə “Dhaka Tribune” ölkə prezidenti Şahabuddin Çuppanın mətbuat katibi Coynal Abedinə istinadla məlumat yayıb.

Abedinin sözlərinə görə, Yunusun təyin edilməsi barədə qərar dövlət başçısının “Tələbələr ayrı-seçkiliyə qarşı” hərəkatının liderləri ilə avqustun 6-da axşam saatlarında baş tutan görüşündən sonra qəbul edilib.

Bundan əvvəl Banqladeş prezidentinin ofisi tələbə hərəkatının tələbi ilə ölkə parlamentinin buraxıldığını elan edib.

Avqustun 5-də Banqladeşdə tələbələrin etirazı paytaxtda iğtişaşlara çevriib. Ölkənin baş naziri Şeyx Hasina istefa verdikdən sonra Hindistana qaçıb və oradan Böyük Britaniyadan siyasi sığınacaq istəyib .

Bundan əvvəl ölkə prezidenti Şahabuddin Çuppu müxalifət lideri və keçmiş baş nazir Xalidə Ziyanın ev dustaqlığından azad edilməsi, eləcə də tələbə etirazçıların həbsdən azad edilməsi barədə göstəriş verib.

Hüseyn İbadlı