Böyük Britaniyanın keçmiş baş naziri Uinston Çörçilin evi satışa çıxarılıb.

QÜTB.AZ xəbər verir ki, malikanənin dəyəri 19,5 milyon funt-sterlinq və ya 25,2 milyon ABŞ dollarıdır.

Xatırladaq ki, Çörçil iki dəfə Böyük Britaniyanın baş naziri olub: 1940-45 və 1951-55-ci illərdə. 1945-ci il seçkilərində uduzduqdan sonra o, Hyde Park Gatedəki malikanəni ofis kimi istifadə etmək üçün 310.000 dollara alıb.

Ev ideal yerdədir. Hal-hazırda malikanənin dörd mərtəbəsində altı yataq otağı var. Şəxsi terrası, kifayət qədər geniş bağçası da var. Birinci mərtəbədə olduqca gözəl qonaq otağı və kitabxana yerləşir.

Çörçilin sağlığında onun yataq otağı da orada olub. Çünki Monte-Karlodakı tətildən sonra ayağını sındırdıqdan sonra orada qalıb. Kifayət qədər rahat mətbəx, səhər yeməyi otağı, rəsmi yemək otağı da var. Hazırda evdə uyğunlaşdırılmış idman zalı da mövcuddur.

Tural