Prod by XSON
Cümhuriyyət Xalq Partiyasının (CHP) keçirilən qurultayında partiyanın yeni başqanı olmaq üçün yalnız bir namizəd qaldı.
Qutb.az Türkiyə mediasına istinadən xəbər verir ki, bu namizəd partiya daxilində reform çağırışları ilə önə çıxan hazırki başqanı Özgür Özəldir.
Başqanlıq üçün namizədliyini irəli sürənlərdən biri olan Berhan Şimşek yetərli sayda nümayəndənin dəstəyini ala bilmədiyi üçün namizəd ola bilməyib.
Digər namizəd Ümit Uysal isə seçkidən qısa müddət əvvəl geri çəkildiyini açıqladı. Uysal bu qərarını partiyasını zəiflətməmək məqsədilə verdiyini bəyan edib.
Beləliklə, CHP-nin qurultayında başqanlıq üçün yalnız Özgür Özəl yarışacaq. Onun yenidən partiyanın lideri olması demək olar ki, dəqiqləşib.
