Sarah Cepçirçirin idmançı kimi fəaliyyətinə Atletika Dürüstlük Komissiyası (AIU) tərəfindən 8 il müddətinə qadağa qoyulub.

Publika.az xəbər verir ki, keniyalı idmançı dopinq qəbul etdiyinə görə bu cəzaya məruz qalıb.

2017-ci ildə Tokio marafonunun qalibi olan Cepçirçir karyerasında ikinci dəfə antidopinq qaydalarını pozub. Məhz buna görə 40 yaşlı atlet 8 illik diskvalifikasiyaya məruz qalıb.

Bədənində anormal testosteron səviyyəsi aşkar edilib. Nümunə 2023-cü ilin noyabrında Tailandda Çonburi marafonunda yarışarkən götürülüb. Diskvalifikasiyanı Atletika Dürüstlük Komissiyası (AIU) elan edib. Təşkilat qərarı rəsmi saytında dərc edib və təsdiqləyib.

İdmançının karyerasında ilk qayda pozuntusu 2018-ci ildə baş verib. Onun bioloji pasportunda bəzi problemlər aşkarlanıb. Araşdırma prosesi 12 ay çəkib. Nəticədə keniyalı atlet 4 illik diskvalifikasiya edilib.

Cepçirçirdir antidopinq qaydalarını pozan yeganə Keniya təmsilçisi deyil. Titus Ekiru, Betti Vilson Lempus və Diana Kipiokey da ağır cəzaya məruz qalıb.

Heybət