Braziliya BMT Təhlükəsizlik Şurasının (TŞ) daimi üzvü olmaq istəyir.
QÜTB.AZ xəbər verir ki, bu barədə Braziliyanın Rusiya Federasiyasındakı səfiri Rodriqo de Lima Baena Soareş "İzvestiya" qəzetinə məlumat verib.
Diplomatın sözlərinə görə, Braziliya TŞ-də islahatların aparılmasının zəruriliyində israrlıdır. Hazırda bu məsələ müzakirə olunur.
Səfir qeyd edib ki, ölkəsinin BMT TŞ-nin daimi üzvü olmaq üçün bütün əsasları var. Braziliya hökuməti hesab edir ki, TŞ qlobal Cənub ölkələrinin təmsil olunmasını təmin etmək üçün daha nümayəndəli və əhatəli olmalıdır.
Diplomat həmçinin qeyd edib ki, BMT TŞ-nin iş metodları dəyişdirilməlidir ki, o, daha şəffaf olsun və dünya təşkilatının bütün üzvləri adından danışsın.
Hüseyn İbadlı
