Uzun müddətdir işsiz olan Zinəddin Zidan "Mançester Yunayted"i çalışdırmaqda maraqlı deyil.
Publika.az xəbər verir ki, İngiltərə nəhənginin maraq dairəsində olan fransız mütəxəssis klubdakı vəziyyəti bəyənməyib. "Real"ın keçmiş baş məşqçisi "qırmızı şeytanlar"dan təklifi gələrsə, onu heç bir halda qəbul etməyəcək. Bu barədə "RMC Sport" məlumat yayıb.
Zinəddin Zidan 2016-2018 və 2019-2021-ci illərdə Madrid klubuna rəhbərlik edib. Fransız məşqçi “Los Blankos”la birlikdə 2 dəfə İspaniya çempionu, 2 dəfə İspaniya Superkubokunun və 3 dəfə Çempionlar Liqasının qalibi olub. Madrid təmsilçisindən sonra fransalı mütəxəssis "Marsel", "Yuventus", "Bayern" kimi klubların və Əlcəzair millisinin maraq dairəsinə düşsə də, heç birində işləməyə razılıq verməyib.
Qeyd edək ki, “Mançester Yunayted” 44 xalla İngiltərə Premyer Liqasında 6-cıdır.
Heybət
