İspaniya millisinin sabiq hücumçusu David Vilya 17 yaşlı Lamin Yamalı argentinalı Lionel Messi ilə müqayisə etməkdən imtina edib.
QÜTB.AZ xəbər verir ki, Vilya bu barədə “X” sosial şəbəkəsində yazıb.
“Mən Lamin Yamalı Messi ilə müqayisə etməyəcəyəm, düşünürəm ki, hər hansı bir oyunçunu Messi ilə müqayisə etmək zəhlətökəndir. Lamin artıq dünya ulduzudur və son iki ildə mühüm nəticələr əldə edib. Mən ona və azarkeşlərə görə çox xoşbəxtəm. Əlbəttə ki, onun üçün sevinməyə haqqım var, amma onu Messi ilə müqayisə etməyə ehtiyac olduğunu düşünmürəm”, – deyə Vilya bildirib.
“Transfermarkt” portalı “Barselona”nın 17 yaşlı futbolçusu Lamin Yamalın transfer dəyərini 120 milyon avro olaraq qiymətləndirib.
