Türkiyənin “TRT Belgesel” telekanalı “Qarabağ” klubu haqqında sənədli film hazırlayıb.
QÜTB.AZ klubun mətbuat xidmətinə istinadən xəbər verir ki, üç seriyadan ibarət olan “Qol atan cəbhəyə: “Qarabağ” adlı film komandanın tarixindən bəhs edir.
Filmdə Ağdam təmsilçisinin torpaqlarımızın işğal altında olduğu vaxtlardan bu günə qədər gələn yolu təsvir olunub. Burada komandanın üzləşdiyi çətinliklər, futbolçuların həm cəbhədə, həm də meydanda fədakarlıqla mübarizə aparması, son 11 ildəki yüksəlişi ilə əldə etdiyi uğurlar da əksini tapıb.
Sənədli filmin ilk seriyası bu gün – Zəfər Gününün ildönümündə “TRT Belgesel”də saat 21:00-da nümayiş olunacaq.
