Formul 1 komandası “Mercedes”in rəhbəri, pilot Lyuis Hemiltonla 12 mövsüm işləmiş Toto Volff etirafi ilə diqqət çəkib.
QÜTB.AZ xəbər verir ki, o, britaniyalı sürücünün “Ferrari”də ilk şəkillərini görməyin qəribə olduğunu etiraf edib.
“Bu ona bənzəyir ki, ayrılıq yaxşı keçib və daha sonra keçmiş sevgilinizi ilk dəfə başqası ilə görürsünüz. Amma Lyuis üçün xoşbəxtəm.
“Ferrari”dəki bütün bu ilk fotoşəkillər çox möhtəşəm idi, əminəm ki, onlar uzun müddət yadda qalacaqlar”, – Volff deyib.
Qeyd edək ki, “Mercedes” Hemiltonun əvəzinə 18 yaşlı Andrea Kimi Antonelli ilə müqavilə imzalayıb.
