“Liverpul”un vingeri Məhəmməd Salahın İngiltərə çempionatının 16-cı turunun “Fulhem”lə matçında (2:2) məhsuldar ötürmə edib.
QÜTB.AZ xəbər verir ki, bu, onun mersisaydlılar üçün bütün turnirlərdə 100-cü ötürməsi olub. Bu barədə “Opta Sport” məlumat yayıb. Misirli futbolçu bu mövsüm 13 məhsuldar ötürmə edib.
Bu da 2024/2025 mövsümündə Premyer Liqada ən yaxşı nəticədir.
Salah 2017-ci ildən “Liverpul”da çıxış edir. Bu müddət ərzində o, bütün yarışlarda 372 matçda iştirak edib və 227 qol vurub. Futbolçunun əmək müqaviləsi 2025-ci ilin yayına kimi nəzərdə tutulub. “Transfermarkt” portalında verilən məlumata görə, futbolçunun bazar dəyəri 55 milyon avrodur.
