Yüngül çəkidə keçmiş WBA Inter-Continental, IBO International və WBO Inter-Continental çempionu Vyaçeslav Uzelkov ürəyindən uğurla əməliyyat olunub.
Publika.az xəbər verir ki, bu barədə boksçu sosial şəbəkədə məlumat verib.
“Hamıya salam. Narkozdan çıxdım, yeni ürəyim var, sabah ad günümdür. Bu, Kiyev Ürək İnstitutunun həkimlərindən aldığım hədiyyədir. Sağ olun, həyat davam edir, mən də kiməsə kömək edəcəm. Və mən reanimasiyada olarkən yeni pulsuz arıqlama layihəsi haqda fikirləşdim. Bir neçə gün bərpa olunum və hər şeyi öyrənəcəksiniz”, – Uzelkov İnstaqram səhifəsində yazıb.
Qeyd edək ki, bu, sabiq boksçunun bu il keçirdiyi ikinci ürək əməliyyatıdır. Bu dəfə Vyaçeslava ürəyində qan laxtası, aortasında qan laxtası, ayağında qanqren diaqnozu qoyulmuşdu.
