.jpg)
"Real"ın müdafiəçisi Daniel Karvaxal maraqlı açıqlama verib
Publika.az xəbər verir ki, təcrübəli futbolçu Madrid klubundakı keçmiş komanda yoldaşı Kriştiano Ronaldo ilə "Barselona"nın sabiq hücumçusu Lionel Messini müqayisə edib:
“Mən onları eyni səviyyədə görürəm. Birini digərindən üstün tutmuram. Sözün hər mənasında canavardırlar. Onların arasında seçim edə bilmirəm. Məncə, çox fərqlidirlər.
Messi topu qəbul etmək və hücumları sürətləndirmək və meydanda oyun yaratmağı bacara bilən oyunçudur. Kriştiano cərimə meydançasına girən və başla qol vuran canavardır. Birlikdə oynasalar, sadəcə "bomba" olardı. Bunu görmək maraqlı olardı”.
Qeyd edək ki, hazırda Messi ABŞ təmsilçisi “İnter Mayami”də , Ronaldo isə Səudiyyə Ərəbistanının “Əl-Nasr” klubunda çıxış edir.
Heybət
