"Real"ın 26 yaşlı ulduz yarımmüdafiəçisi Federiko Valverde Madrid klubunu tərk edə bilər.
QÜTB.AZ xəbər verir ki, bu barədə "Fichajes" məlumat yayıb.
İngiltərənin iki top-klubu futbolçu üçün mübarizə aparır. Söhbət "Mançester Siti" və "Liverpul"dan gedir. Valverdenin Madrid klubunun məşqçilər korpusu ilə gərgin münasibətindən istifadə etməyə çalışan hər iki klub yayda uruqvaylı yarımmüdafiəçini heyətinə qatmağa çalışacaq.
Federikonun "Real"la 2027-ci ilin yayına qədər müqaviləsi var. "Los Blankos" onun transferi ilə bağlı danışıqlara hazırdır.
Cari mövsümdə Federiko Valverde klub səviyyəsində 17 oyun keçirib, 3 qol vurub və 2 məhsuldar ötürmə edib. "Transfermarkt" portalı onun dəyərini 130 milyon avro qiymətləndirir.
Qutb
