“Real”ın gələcək hücumçusu Endrikin sevgilisi Qabrieli Miranda ilə bağladığı “sevgi müqaviləsi”ndəki daha iki bənd üzə çıxıb.

Publika.az xəbər verir ki, anlaşmaya görə, 17 yaşlı futbolçu məşhur oyun GTA-nın onlayn versiyasında virtual sevgili ola bilməz. Eyni zamanda, o, qızların sosial şəbəkələrdəki paylaşımlarına şərh yaza bilməz. Bu barədə Daily Mail məlumat yayıb.

Bu müqavilənin əvvəldən bəlli olan bəndlərinə görə, Endrik və Qabrielinin bir-birindən heç bir asılılığı olmamalı, nitqlərində müəyyən sözlərdən istifadə etməməli, həmçinin davranışlarını kəskin şəkildə dəyişdirməməlidilər. Bundan əlavə, cütlük bir-birlərinə mümkün qədər tez-tez “səni sevirəm” deməlidirlər.

Qeyd edək ki, Endrik 21 yaşlı modellə 6 aydan az müddətdir münasibətdə olmasına baxmayaraq evlənmək niyyətindədir.

Əlavə edək ki, Enrdik yayda 18 yaşı tamam olduqdan sonra hazırda çıxış etdiyi “Palmeyras”dan ayrılaraq “Real”a qoşulacaq.