“Əl-Nasr”ın hücumçusu Kriştiano Ronaldo Portuqaliya milli komandasındakı karyerasını nə vaxt bitirməyi planlaşdırdığı barədə danışıb.
QÜTB.AZ xəbər verir ki, o, bu sözləri deyib:
“Milli komandamın rənglərini təmsil etməkdən hədsiz qürur duyuram. Bu, gerçəkləşən bir xəyalımdır! Ona görə də Portuqaliya millisindən ayrılmaq qərarına gələndə əvvəlcədən heç kimə xəbərdarlıq etməyəcəyəm. Bu, mənim tərəfimdən çox kortəbii, həm də çox düşünülmüş qərar olacaq”.
Qeyd edək ki, Ronaldo Portuqaliya millisinin kapitanıdır. O, yığmanın heyətində 212 matçda 130 qol vurub və 36 asist edib.
