“Mançester Siti”nin baş məşqçisi Pep Qvardiola portuqaliyalı mütəxəssis Ruben Amorimin “Mançester Yunayted”ə rəhbərlik edəcəyi xəbərinə münasibət bildirib.
QÜTB.AZ xəbər verir ki, “Yunayted”ə, İngiltərəyə xoş gəldiniz. Mən onu təbrik edirəm. Mən həmkarlarıma məsləhət verə bilən adam deyiləm. “Yunayted”də baş verənlərlə bağlı məlumat paylaşa biləcək çoxlu insan var”, – deyə “Manchester Evening News” Qvardioladan sitat gətirib.
Amorim noyabrın 11-də komanda ilə işə başlayacaq. 39 yaşlı mütəxəssisin “Mançester Yunayted”lə müqaviləsi 2027-ci ilin iyun ayına kimidir, amma daha bir mövsüm də uzadıla bilər. Daha əvvəl mətbuatda İngiltərə klubunun Amorimlə müqaviləni vaxtından əvvəl pozduğu üçün “Sportinq”ə 15 milyon avro ödəyəcəyi barədə xəbərlər yayılmışdı.
