“Roma” icarə əsasında komandada çıxış edən “Leypsiq”in müdafiəçisi Anxelino barədə qərar verib.
Publika.az xəbər verir ki, İtaliya təmsilçisi ispaniyalı futbolçunu tamhüquqlu transfer etdiyini açıqlayıb. Keçidin detalları barədə məlumat verilməyib.
“Roma” 27 yaşlı müdafiəçi ilə bu ilin yanvarında müqavilə imzalayıb. O, “canavarlar”ın heyətində 20 oyun keçirib, 1 məhsuldar ötürmə edib.
Qeyd edək ki, Anxelino ötən mövsümün ilk yarısını icarə əsasında “Qalatasaray”da keçirib. İstanbul klubu müqaviləsindəki məcburi transfer etmək bəndinin aktivləşməməsi üçün onu heyətdən uzaqlaşdırıb.
