PSJ-nin fransalı hücumçusu Kilian Mbappe 2023/24 mövsümünün sonunda komandadan ayrılacağı barədə Paris klubunun prezidenti Nasser Əl-Xelayfiyə məlumat verib. Futbolçunun “Real”a keçəcəyi gözlənilir.
Publika.az xəbər verir ki, “Fichajes”in məlumatına görə, parislilər Mbappenin əvəzedicisini “Real”da tapıblar. PSJ braziliyalı vinger Vinisius Junioru transfer etmək üçün səy göstərəcək .
Qeyd olunur ki, futbolçunu şirnikləndirmək asan olmayacaq, lakin PSJ-dən gələn böyük təklif “Real” prezidenti Florentino Peresi transferə razılıq verməyə vadar edə bilər.
Bu mövsüm Vinisius Junior 26 oyun keçirib, 15 qol vurub və 7 məhsuldar ötürmə edib.
