Türkiyə millisinin hücumçusu Enes Ünal bu qış “Xetafe”dən icarə əsasında keçdiyi “Bornmut”da qalacaq.
Publika.az xəbər verir ki, İngilərə klubu 27 yaşlı futbolçunu tam hüquqlu transferini reallaşdırıb. Bu keçid İspaniya təmsilçisinə 16,5 milyon avro qazandırıb. “Albalılar” Enes ilə 4 illik müqavilə imzalayıblar.
Ünal Premyer Liqada keçirdiyi 5 ay ərzində 17 matçda 2 qol vurub və 2 məhsuldar ötürmə edib.
Qeyd edək ki, 27 yaşlı forvard “Xetafe”dən başqa, Türkiyənin “Bursaspor”, İngiltərənin “Mançester Siti”, Belçikanın “Genk”, Niderlandın “NAK Breda” və “Tvente”, İspaniyanın “Vilyarreal”, “Levante” və “Real Valyadolid” klublarında da çıxış edib.
