"Atletiko"nun hücumçusu Antuan Qrizmann İspaniya Superkubokunun "Real" yarımfinal matçında (3:5) fərqlənməklə tarixə düşüb.
Publika.az xəbər verir ki, bu, fransalı futbolçunun “hindular” formasında 174-cü qolu olub. Hücumçu bu göstəricidə Madrid klubunun əfsanəvi sabiq futbolçusu Luis Araqonesi qabaqlayıb. O, bununla "Atletiko" tarixinin əsas bombardirinə çevrilib.
Xatırladaq ki, Qrizmann 2014-cü ildə “Real Sosyedad”dan “Atletiko”ya keçib. 5 il Madrid klubun çıxış etdikdən sonra 2 mövsüm "Barselona"da top qovub. 2021-ci ildə yenidən paytaxt komandasına qayıdıb.
Bu mövsüm Qrizmann "Atletiko"nun heyətində bütün turnirlərdə 27 oyun keçirib, 17 qol vurub və 3 məhsuldar ötürmə edib. Futbolçunun müqaviləsi 2026-cı ilin iyunun sonuna kimi qüvvədədir.
Heybət
