İtaliya A Seriyasının 21-ci turunun “Roma” – “Verona” oyununda (2:1) meydan sahiblərinin azarkeşləri diqqət mərkəzinə düşüblər.
Publika.az xəbər verir ki, onlar keçmiş baş məşqçi Joze Mourinyoya komandadakı işinə görə minnətdarlıqlarını bildiriblər.
“Xatirələrin heç bir müqaviləsi yoxdur. Bizə gülüşlər bəxş etdin. “Romantizminizə” görə həmişə sizə hörmət edəcəyik. Təşəkkür edirəm, cənab!”, – deyə açılan bannerlərdə yazılıb.
Xatırladaq ki, bu, Mourinyonun qovulmasından sonra komandanın ilk oyunu idi. Portuqaliyalı mütəxəssis yanvarın 16-da “Milan”a 1:3 hesablı məğlubiyyətdən sonra qovulub. Jozeni “Roma”nın baş məşqçisi postunda Daniele De Rossini əvəzləyib.
