Argentina millisinin ulduzlarından biri, dünya çempionu Anxel Di Maria həmyerlisi Lionel Messi ilə "Real"da komanda yoldaşı olmuş Kriştiano Ronaldonu müqayisə edib.

Publika.az xəbər verir ki, o, seçimini Messidən yana edib:

“Hər ikisi hər zaman yalnız qələbələr haqqında düşünür. Amma sonda ən yaxşısı ən çox "Qızıl top"a sahib olandır. Messi 8 dəfə bu titulu qazanıb. Ona görə də mənim üçün onunla Kriştianu arasında müəyyən məsafə var.

Onlar uzun illərdir ki, futbol elitasının bir hissəsidir. Hazırda ABŞ və Səudiyyə Ərəbistanında oynasalar da, bütün dünya onlar haqqında danışmağa davam edir. Aralarındakı rəqabət La Liqanın böyüməsinə imkan verdi və hər kəsə futbolu sevdirdi. Messi ilə birlikdə amerikalılar idmanı yenidən kəşf etməyə başlayırlar”.

Qeyd edək ki, hazırda Messi "İnter Mayami"də, Ronaldo isə "Əl-Nəsr"də oynayır.

Heybət