Məşhur niderlandlı mütəxəssis Lui van Qal xərçəngə tutulmasının həyata baxışını dəyişməsindən danışıb.

Publika.az xəbər verir ki, bir neçə il əvvəl Van Qalın aqressiv prostat xərçəngindən əziyyət çəkdiyi məlum olub.

“Xərçəng mənim həyata baxışımı necə dəyişdi? Çox da dəyişmədi, həqiqətən belədir. Baxın, mən doqquz bacı-qardaşdan ibarət ailədənəm. Mən ən kiçiyəm. 11 yaşım olanda atam vəfat edib. 53 yaşında ölüb. Digər tərəfdən, birinci həyat yoldaşım 39 yaşında dünyasını dəyişdi.

Və bütün qardaşlarım çox erkən öldü. Mən ölümə alışmışam. Ona görə də bilirəm ki, ölüm həyatın bir hissəsidir və bununla barışmaq lazımdır.

Xərçəng olduğumu ilk eşidəndə dedim: “Bu yaxşı xəbər deyil, amma yaxşı olar ki, bununla bağlı nəsə etməyə çalışım”. Hər bir insan fərqli reaksiya verə bilər. Ona görə də deyirəm: “Özün ol” AS van Qaalın sözlərini sitat gətirib.