“Liverpul” 32 yaşlı cinah hücumçusu Məhəmməd Salah ilə gələn ilin yayında başa çatacaq müqaviləni daha 2 il müddətinə yeniləmək üzrədir.
QÜTB.AZ xəbər verir ki, tərəflər demək olar ki, bütün məsələlərdə razılığa gəlib. Bu barədə “Mirror” məlumat yayıb.
Mənbənin sözlərinə görə, misirli futbolçunun agenti 3 illik müqavilə bağlamaqda israrlı olub, “Liverpul” isə əvvəlcə əməkdaşlığı 1 il uzatmağı təklif edib. Lakin danışıqlar zamanı kompromis tapılıb və tərəflər 2 il müddətinə müqavilə imzalayıblar.
Qeyd olunur ki, Salah həftədə 400 min funt sterlinq maaşla klubun ən yüksək məvacib alan oyunçularından biri olduğu üçün maliyyə məsələlərində fikir ayrılığı olmayıb.
