İyulun 17-də karyerasını başa vurduğunu açıqlayan ukraynalı futbolçu Yevgeni Konoplyanka maraqlı açıqlama verib.

Publika.az xəbər verir ki, o, "Liverpul"a baş tutmayan transferindən danışıb:

“Liverpul” rəsmiləri Dneprə gəldi. Hamımız oturduq, nahar etdik, dedilər ki, "səni götürürük". Tibbi müayinədən keçdim və məni aparmağa hazırdılar. Soruşurlar ki, qiymətin nədir? Mən prezidentimizlə əlaqə saxlamalı olduqlarını dedim. Əlaqə saxladılar, prezident bir qiymət dedi. Yanlarında oturmuşdum, eşitdim ki, 15 milyon dedi. Amma 25 milyona qədər qalxdılar.

“Dnepr”lə müqaviləmin bitməsinə bir il qalmışdı və düşünürdüm ki, hər şey qaydasında olacaq. Klub mənim transferimdən pul qazanacaq və mən xoşbəxt olacağam. Ancaq razılaşa bilmədilər və transfer pəncərəsinin bağlandığı son gecə olduğu üçün keçid baş tutmadı.

İndi də xatırlayıram, “Liverpul” UEFA-dan transfer pəncərəsini daha bir saat uzatmağı xahiş etmişdi. "Liverpul" məni alacağına əmin idi, buna görə də məbləği 25 milyona qədər artırdılar, amma alınmadı”.

Heybət