Məşhur ispan qapıçı David De Xea karyerasını İspaniya La Liqasında davam etdirə bilər.
Publika.az xəbər verir ki, “Fichajesin” məlumatına görə, ispan qolkiper karyerasını “Barselona”da davam etdirmək təklifi alıb və onu qəbul etməyi planlaşdırır. Bildirilir ki, “blauqrana” qapıçı üçün müqavilə hazırlayır.
Keçən yay “Mançester Yunayted”dən ayrılan David De Xea hələ də klubsuzdur.
Daha əvvəl De Xeanın Səudiyyə Ərəbistanı çempionatında oynamaqdan imtina etdiyi bildirilirdi.
