"Çelsi"nin əfsanəvi futbolçusu Frenk Lempard yenidən London klubuna qayıda bilər.

Publika.az xəbər verir ki, "zadəganlar"ın qadınlardan ibarət komandasının baş məşqçisi Emma Heys cari mövsümdən sonra klubu tərk edərək ABŞ-ın qadınlardan ibarət milli komandasının baş məşqçisi olacaq. 47 yaşlı mütəxəssis 12 il klubda çalışıb, komanda ilə 6 çempionluq qazanıb.

Klub Heys üçün əvəzləyici axtarmalıdır ki, artıq ilk namizədin adı bəllidir. Söhbət "Çelsi"nin əfsanəsi Frenk Lemparddan gedir.

Lempard sözügedən vəzifə üçün ideal namizəd hesab edilir. Onun klubu tanıması və təcrübəsi ilə komandaya faydalı olacağı iddia edilir.

Qeyd edək ki, "Super Frenki" ləqəbli əfsanə 2001-2014-cü illərdə futbolçu, 2019-2021-ci illərdə isə baş məşqçi kmi "Çelsi"də çalışıb. London klubundan əlavə "Derbi Kaunti" və "Everton"a da rəhbərlik edib.

Heybət