Tbilisi ABŞ ilə münasibətləri bərpa etməyə çalışır.

Publika.az xəbər verir ki, bunu Gürcüstanın baş naziri İrakli Kobaxidze bildirib.

"Gürcüstan hökuməti 2020-ci ildən bəri baş verən hadisələr fonunda məcburi hesab etdiyimiz Birləşmiş Ştatlarla münasibətlərin bərpasına töhfə verməkdə qərarlıdır", - hökumət başçısı bildirib.

O, Vaşinqtonda qarşılıqlı addımlar atılacağına ümid etdiyini bildirib. Kobaxidze Gürcüstan-Amerika münasibətlərinin inkişafının respublika üçün strateji prioritet olduğunu da vurğulayıb.

İyunun 3-də Gürcüstanda xarici agentlər haqqında qanun qüvvəyə minib. Qanun ABŞ və Avropa Birliyində tənqidlərə məruz qalıb. Dövlət Departamentinin mətbuat xidmətinin rəhbəri Metyu Miller bildirib ki, xarici agentlər haqqında qanuna görə Vaşinqton Gürcüstana qarşı viza məhdudiyyətləri tətbiq edəcək.

Tural