Sualı Belçika millisinin lideri Kevin De Bruyneni qəzəbləndirən jurnalist Tankredi Palmeri futbolçu ilə bağlı fikirlərini bildirib.
Publika.az xəbər verir ki, o, "Mançester Siti"nin kapitanı barədə bu sözləri deyib:
“De Bruyne məni axmaq adlandırdı? Kevin, qısa xatırlatma - siz Fransa, İngiltərə, Almaniya və İspaniyanın qızıl nəsillərini qeyd etdiniz. Onların hamısı finala yüksəlib. Yalnız nə qədər gözəl olduğuna dair suallar eşitmək istəyən standart bir futbolçusan, korlanmış uşaq”.
Ötən gün Belçika Avro-2024-ün 1/8 finalında Fransaya uduzub (0:1). Oyundan sonra Palmeri De Bruynedən Belçika millisinin “Qızıl nəsli”nin böyük turnirin finalında çıxış etməməsinə görə utanıb-utanmadığını soruşub. De Bruyne inciyib və jurnalisti “axmaq” adlandıraraq mətbuat konfransını tərk edib.
Heybət
