İspaniyada “Barselona”nın futbolçusu Lamin Yamalla “Real”ın futbolçusu Arda Gülər ​​arasında müqayisələr aparılmağa başlanılıb.

QÜTB.AZ xəbər verir ki,bu müqayisələr nəticəsində “Real” azarkeşlərinin Arda Gülərin daha çox potensiala malik olduğunu düşündüyü ortaya çıxıb.

La Liqanın altıncı həftəsində “Barselona” səfərdə “Vilyarreal”ı 5:1 hesabı ilə məğlub edib. Bu nəticə ilə “Barselona” liderliyini davam etdirib, 17 yaşlı futbolçu Lamin Yamal isə çıxışı ilə hər kəsi heyran qoyub.

Bu göz oxşayan performansdan sonra İspaniya mətbuatında Arda Gülər ​​və Lamin Yamal müqayisə olunmağa başlayıb.

“Real”a yaxınlığı ilə tanınan “Defansa Central” qəzetinin xəbərinə görə, “kral klubu”nun fanatları Arda Gülərin Lamin Yamaldan daha çox potensiala malik olduğuna inanır. “Barselona”nın futbolçusunun istedadını inkar etməyən “Real Madrid” azarkeşləri Ardanın daha texnikalı futbolçu olduğunu düşünürlər.

“Real” azarkeşlərinin fikrincə, Yamalın bu qədər diqqət çəkməsinin səbəbi “Barselona”nın heyət quruluşudur. Heyətində məhdud sayda oyunçu olan Kataloniya komandası bu səbəbdən Yamala daha çox üstünlük verilir. Amma “Real”ın çoxlu alternativləri olan heyəti var. Bu səbəbdən Arda Gülər ​​Yamaldan daha az oyun vaxtı əldə edir.