Argentinalı Lautaro Martinez “İnter”in heyətində A Seriyasında “Lecce” ilə oyunda (4:0) dubl edib.
Publika.az xəbər verir ki, bununla argentinalı hücumçu İtaliya çempionatında "ilanlar" üçün vurduğu qolların sayını 101-ə çatdırıb. O, klub tarixində İtaliya yüksək divizionunda 100+ qol vuran üçüncü əcnəbi oyunçudur.
Əvvəllər 1948-1954-cü illərdə komandada oynamış İstvan Njerş və Martinezin həmyerlisi Mauro İkardi Milan təmsilçisi üçün A Seriyasında bu qədər qol vurmuşdu.
26 yaşlı Lautaro 2018-ci ilin yayından "İnter"də çıxış edir. Nüfuzlu "Transfermarkt" portalı futbolçunu 110 milyon avro dəyərində qiymətləndirir. Argentinalı forvard bu mövsüm bütün turnirlərdə 33 oyun keçirib və 25 qol vurub.
Heybət
