Gürcü döyüşçüsü, yüngül çəkidə UFC çempionu İlya Topuriya irlandiyalı Konor Makqreqora müraciət edib.
QÜTB.AZ xəbər verir ki, əvvəllər Makqreqor demişdi ki, “körpə” Topuriya titul uğrunda mübarizədə amerikalı Maks Holloueyi məğlub etməkdə çətinlik çəkəcək.
“Hollouey sizinlə döyüşdən sonra yüz faiz daha yaxşı oldu. Başa düşdü ki, dolanmaq üçün mübarizə aparmaq istəsə, sənin kimi döyüşçülərə uduzmaq olmaz. Maks bu gün sizi asanlıqla məğlub edə bilər. Pore sizi revanş görüşündə nokaut etdi, Neyt Dias sizi iki dəfə döydü.
Həbib isə səni sındırdı və Floyd Meyvezer 50 yaşında sizə boks dərsi verdi. Yerinizi bilin. Sən saxta döyüşçüsən”, – Topuriya sosial şəbəkələrdə yazıb.
Oktyabrın 26-da İlya Topuriya Abu Dabidə (BƏƏ) UFC 308-də Maks Holloueyə qarşı titul döyüşü keçirəcək.
