Keçmiş futbolçu Antonio Kassano “Atalanta”nın yarımmüdafiəçisi Şarl De Ketelareni hazırda mövqeyində dünyanın ən yaxşı oyunçularından biri hesab edir.
QÜTB.AZ xəbər verir ki, Kassanodan “Goal” sitat gətirib.
“Bu gün o, A Seriyasının ən güclü oyunçularından biridir və dünyanın ən güclülərindən biridir. Ona, dahi olan məşqçisinə və komandasına eşq olsun.
Topa onun kimi nəzarəti ancaq Kakada görmüşəm. Önümüzdəki illərdə, məncə, o, “Qızıl topu” qazanmaq üçün ən yaxşı komandalardan birinə keçməlidir.
Mən onu tanımıram, onunla heç vaxt tanış olmamışam. Mən bunu o, “Milan”da oynamayanda demişdim: o, əsl dəyəri olan oyunçudur. Bu gün o, Avropanın ən yaxşı oyunçularından biridir: onu yalnız bir nəfər qabaqlaya bilər. Salahın artıq 32 yaşı var, başqa yaşdadır. Qarşıda yalnız Barselonadan bir balaca oğlan var (Yamalı nəzərdə tutur)”, – Kassano bildirib.
