Məşhur türkiyəli sənətçi Yıldız Tilbe Bodrumdakı Antik Teatrda yay turnəsinin ilk konsert proqramını təqdim edib.
Publika.az xəbər verir ki, müğənni gecə boyunca bir-birinin ardınca hit mahnılarını səsləndirib.
Konsert zamanı Yıldız Tilbe böyük daşın üzərinə çıxıb növbəti mahnısını təqdim etmək istəyərkən Antik Teatrın əməkdaşları buna icazə verməyib. Onlardan biri müğənniyə yaxınlaşaraq məzar daşı üzərinə çıxdığını bildirib.
Sürətlə həmin daşın yanından uzaqlaşan sənətçi “ Qadağandır? Məzar daşıdır? Gerçəkdənmi? O zaman götürsünlər, burda məzar daşımı olar?” deyə, təəccübünü gizlətməyib.
Konsertə tələbatın çox olması səbəbindən Yıldız Tilbe 4 iyulda Bodrum Antik Teatrında pərəstişkarları ilə yenidən görüşəcək.
Cəmilə
