Xaçmazda zəncirvari avtomobil qəzası baş verib. Qəza zamanı iki nəfər xəsarət alıb.
Publika.az xəbər verir ki, Gəndob-Yalama yolunun Xaçmaz rayonunun Nərəcan kəndi ərazisindən keçən hissəsində "VAZ 2107" və "Mercedes" markalı avtomobillər toqquşub. Qəzaya uğrayan "VAZ 2107" sonradan yolun kənarında dayanan başqa bir minik avtomobilinə də çırpılıb.
Hadisə zamanı xəsarət alan iki nəfər təcili tibbi yardım maşını ilə Xaçmaz Rayon Mərkəzi Xəstəxanasına çatdırıb.
Faktla bağlı araşdırma aparılır.
