"FourFourTwo" nəşri futbol tarixinin ən yaxşı qapıçılarının adlarını açıqlayıb.

Publika.az xəbər verir ki, siyahıya 32 qolkiperin adı daxil edilib.

Moskvanın "Dinamo"sunun və SSRİ yığmasının əfsanəvi qapıçısı Lev Yaşin birinci olub. Almaniya millisinin və "Bayern"in "bir nömrə"si olan Manuel Noyer ikincidir. "İlk üç"lükdə daha bir əfsanə - ingilis Qordon Banks qərarlaşıb.

Qeyd edək ki, Lev Yaşin Olimpiya çempionu, beşqat SSRİ çempionu və üçqat SSRİ kubokunun qalibi olub. Yaşin tarixdə qapıçılar arasında “Qızıl top”un yeganə qalibidir. O, 1963-cü ildə fəxri mükafata layiq görülüb.

Nəşrə görə ən yaxşı 10 qapıçı

1. Lev Yaşin (SSRİ).

2. Manuel Noyer (Almaniya).

3. Qordon Banks (İngiltərə).

4. İker Kasilyas (İspaniya).

5. Rikardo Zamora (İspaniya).

6. Sepp Mayer (Almaniya).

7. Canluici Buffon (İtaliya).

8. Petr Çex (Çexiya).

9. Peter Şmeyxel (Danimarka).

10. Dino Zoff (İtaliya).

Heybət