ABŞ Federal Təhqiqatlar Bürosu (FTB) 2002-ci ildə Solt Leyk Sitidə keçirilən Qış Olimpiya Oyunlarında iştirak etmiş məşhur kanadalı olimpiyaçı Rayan Veddinq haqqında həbs qərarı verib.
QÜTB.AZ xəbər verir ki, o, Meksikadan ABŞ və Kanadaya böyük miqdarda kokain qaçaqmalçılığında şübhəli bilinir. FTB bu səbəbdən onu beynəlxalq axtarışa verib.
43 yaşlı kanadalının həbsinə səbəb olan məlumat üçün 50 min dollar mükafat təyin edilib.
Rayan, Kolumbiyadan Meksikadan keçməklə ABŞ və Kanadaya yüzlərlə kiloqram kokainin daşındığı transmilli narkotik ticarəti əməliyyatına rəhbərlik edib. O, həmçinin narkotik alveri zamanı bir neçə qətldə ittiham olunur.
Keçmiş snoubordçu narkotik alveri dünyasında "El Jefe", "Gigante", "The Public Enemy" kimi ləqəblərlə tanınıb. O, hər il 60 ton kokain paylayan Meksikadan olan Sinaloa Karteli tərəfindən qorunan cinayət təşkilatının bir hissəsidir.
Veddinq əvvəllər də narkotik alverində təqsirli bilinib. Bu səbəbdən 2010-cu ildə 4 il müddətinə həbs olunub.
Qutb
