Nigeriya millisi özlərini təhlükəsiz hiss etmədiklərini əsas gətirərək Afrika Millətlər Kubokunun seçmə mərhələsi çərçivəsində Liviya ilə oyundan imtina edib.
QÜTB.AZ “DailySports”a istinadən xəbər verir ki, bu qalmaqaldan sonra yerli federasiyanın prezidenti Əbdülhəkim Əl-Şelmani istefa verib. O, oyun ətrafında baş verənləri belə şərh edib:
“Mən Liviya idmanının uğursuzluğunun bir hissəsi olmaq istəmirəm. Biz çətinliklərlə qarşılaşmışıq. Əməyinə görə hər kəsə minnətdaram, amma getməliyəm. Beynəlxalq, ərəb və Afrika səviyyəsində yaxşı tarixim var və bunu heç kim inkar edə bilməz”.
Liviya – Nigeriya matçı oktyabrın 15-də baş tutmalı idi. Amma Nigeriya yığmasının Liviyada aeroportda 12 saat girov saxlanılmasından sonra oyun baş tutmayıb.
