“Los-Anceles Leykers”ın kiçik hücumçusu LeBron Ceyms idman dünyasını sevindirən açıqlama verib.
Publika.az xəbər verir ki, ulduz basketbolçu bu yay Parisdə keçiriləcək Olimpiya Oyunlarında ABŞ komandası üçün oynamağa hazır olduğunu söyləyib.
“Mövsümdən əvvəl özümə deyirdim ki, olimpiya yığmasının bir hissəsi ola bilərəm, amma hər şey sağlamlığımdan asılı olacaq. İndi komandada olmaq və yüksək səviyyədə çıxış etmək üçün kifayət qədər sağlamam”, – deyə Ceyms ESPN-ə açıqlamasında bildirib.
LeBron cari mövsümdə MBA-da 47 oyunda iştirak edib, orta hesabla 24,6 xal, 7,2 ribaund və 7,7 məhsuldar ötürmə ilə yadda qalıb.
