“Qalatasaray” “Çelsi”dən yarımmüdafiəçi Hakim Ziyeşin tam transferini tamamlayıb.
Publika.az xəbər verir ki, mərakeşli futbolçu ötən ilin avqustunda Türkiyə klubuna icarəyə verilmişdi.
31 yaşlı yarımmüdafiəçi “Qalatasaray”a pulsuz verilib və bu, klublar arasında bağlanan müqavilədə müəyyən şərtlər yerinə yetirildiyi təqdirdə nəzərdə tutulub.
Ziyeşin İstanbul komandası ilə müqaviləsi 2024/25 mövsümünə qədərdir və müqavilənin daha bir il uzadılması variantını ehtiva edir. Futbolçunun maaşı illik 2 milyon 850 min avro olacaq.
Ziyeş “Qalatasaray”ın heyətində 23 matçda 8 qol vurub, 4 məhsuldar ötürmə edib.
