UEFA-nın rəhbəri Aleksander Çeferin yeni prezidentlik müddətinə namizəd olmamaq vədindən vaz keçə bilər.
Publika.az xəbər verir ki, bu barədə "The Guardian" məlumat yayıb.
Bu ilin fevral ayında Çeferin ilk prezidentlik müddətinin ləğv edilməsinə baxmayaraq, 2027-ci ildə yenidən bu vəzifəyə namizəd olmayacağını açıqlayıb.
Mənbənin sözlərinə görə, UEFA-nın şübhələri var ki, o vaxta qədər uyğun varis tapılmasa, sloveniyalı funksioner vəzifəsində qalmağa qərar verə bilər. Hələlik heç kim namizədliyini irəli sürmək arzusunu bildirməyib.
Qeyd olunur ki, Sloveniya, Xorvatiya, Monteneqro və Albaniya da daxil olmaqla UEFA-ya üzv olan 20-yə yaxın ölkə Çeferinə dəstək verəcəklərini vəd edib. Türkiyə, Yunanıstan, San Marino, Andorra və Farer adaları da bu ideyaya müsbət yanaşır.
Heybət
