İngiltərənin “Mançester Siti” klubunun baş məşqçisi Xosep Qvardiola böhrandan tez çıxmaq üçün rəhbərliyin planlarını dəyişməyə hazırlaşır.
QÜTB.AZ xəbər verir ki, “Siti” rəhbərliyi növbəti transfer pəncərəsində futbolçu almaq niyyətində olmayıb. Klub lazım olan yarımmüdafiə mövqeyinə 2025-ci ilin yayında transfer etməyi planlaşdırırdı. ”Şəhərlilər”in çalışdırıcısı hesab edir ki, qış transferləri “Mançester Siti”yə vəziyyəti yaxşılaşdırmağa və lider “Liverpul”a çatmağa kömək edəcək.
Klubun əsas transfer hədəfləri yarımmüdafiəçilər Martin Subimendi (“Real Sosyedad”) və Adam Vorton (“Kristal Pelas”) olub. “Mançester Siti” rəhbərliyi onları razı sala biləcəyinə əmindir.
“Mançester Siti” xoşagəlməz seriyasını qıra bilmir – komanda son altı matçda qalib gəlmir (bir heç-heçə və beş məğlubiyyət).
